سكبتك دمعه من عيني على خدي ولا هميت
وجبتك بسمه بشفاهي تعمدتي على اعدامي
ولوســـويت ماســــويت انا لك كني ماســــويت
اجل من هو ضرب يدي احبك جبـــــر والزامي
تركت العالم وجيتك وحبيتك ورب البيـــــت
تنام الليل يالظالــــــــــــم وانا والله مانامي
تمثلتي على صورة حنونه تنذبح لا ابطيت
تمايلتي وقلتيلي نصبتـــك فارس احلامي
خيالك مايفارقني اذا بالصــــــبح اوامسيـــــت
سكنتي بداخلي وصرتي اماني كـــل ايامي
كتبت الشعر باحساسي سقيت الحب لك وارويت
سقيتيني بتدليســــــــك وكنت بداخلــــــــي ظامي
انا ماني غبي يابنت ولكن طبعي ماآآآذيت
احس اللي يعاشرني وفاه الحب واكرامي
اباكذب لو اقول اني ابد في الغدر ماشكيت
ولكن طيبة اخلاقي تزيل الشك واوهامي
تحـــــايلتي على كيفك وانا بكيفي اذا اوفيـــــت
اذا شفتي الغدر سيمه فانا شفت الوفا وسامي
واذا شفتِ الوفا ذنبي فانا كل السنين اخطيت
واذا قلتي وفيت لي كذبت وجرت بالامي
ولاني بالقدر عـــــــالم اساليبك وما اخفيت
سيوف الغدر باغيابي وسيف الحب قدامي
ابنهي اخر القصه مسلســــل بالاسى عانيت
وابحرق كل حلقاتك وادوارك في افلامي
سكبتك دمعه من عيني على خدي ولا هميت
النمط الخطي
