يا شين دنياً همها يفجع قلوب
يسرق من الرجّال فكره وشوفه
يقطعك يا دمع ٍ طغى واغرق الثوب
لافيك لا رحمة ولابك مروفه
أهون على المعطوب لو مات معطوب
ولا يعيش بحسرته وسط جوفه
دام الـــوداع بكل الاحـــوال مكــــتوب
ترى دموعك يالعيون مْخلوفه
المشكلة ماهيب في فـْراق محبوب
مادام اهو حيّ ٍ وتقدر تشوفه
الموت فرقى واحد ٍ عنك محــجــوب
غيّب عليك الموت صوته وشوفه
كم واحــــد ٍ حبه على الكبد مصبوب
لا فارقك ماعاد عقبه حسوفه
وكم واحــــد ٍ حــبه سواليف وكذوب
له ذمة ٍ تكفي جحافل حلوفه
رضعت من ثدي الشقا همّ محلوب
واقفت حياتي بالهموم معسوفه
يا نفس لا ترمـــــي معزبك بالطوب
ما دامك انتي عارفة وش ظروفه
مالي مع المقفين حاجه ومطلوب
عّزيت نفسي وارتضيت النكوفه
خوفي أجي والنفس مليانه ذنوب
في يوم ما يشفع للانسان خوفه

منقول

وأجمل مافي القصيده هو مرورك واطراءك

وصح لسان شاعرها الي أطربنا بها

ويسلموووووا مرورك العذب

دام الـــوداع بكل الاحـــوال مكــــتوب
ترى دموعك يالعيون مْخلوفه
المشكلة ماهيب في فـْراق محبوب
مادام اهو حيّ ٍ وتقدر تشوفه
الموت فرقى واحد ٍ عنك محــجــوب
غيّب عليك الموت صوته وشوفه



رائع ما اخترته سمسمه ابدعتى
تسلمين على الذوق الحلو
دمتى بود